• Lan-ingurune digitalak ezagutzen ditu, eta komunikatzeko erabiltzen ditu: ikasleekin, beste irakasle batzuekin eta, oro har, hezkuntza-komunitatearekin.
• Komunikabide digitaletan interakzioan jarduteko jarduerak antolatzen, kudeatzen eta ebaluatzen ditu, informazioari irudiak, estekak eta bideoak atxikiz.

Ezagutzak

• Askotariko komunikabide digitalak ezagutzea (adibidez: posta elektronikoa, txatak, foroak, IP bidezko ahotsa, bideokonferentziak, SMSak).
• Mezuak eta mezu elektronikoak artxibatzen diren edo etiketen bidez gordetzen diren modua ezagutzea, baita nola bilatzen eta berreskuratzen diren ere.
• Komunikaziorako zenbait software-paketeren funtzionamendua ezagutzea.
• Askotariko komunikabideen onurak eta gabetasunak ezagutzea eta erabilgarritasuna identifikatzea, ingurunearen arabera.

Trebetasunak

• Mezu elektroniko edo SMS bat bidaltzeko eta blog batean sarrera bat argitaratzeko gai izatea.
• Online komunikazioa errazten duten aplikazioen edo tresnen bidez lankideak aurkitzeko eta horiekin harremanetan jartzeko gai izatea.
• Informazioa aldatzeko gai izatea, hainbat bitartekoren bidez transmititzeko, mezu elektronikoa bidaltzea, diapositiba-aurkezpen bat egitea edo blog batean artikulu bat argitaratzea barne.
• Helburuko hartzaileak aztertzea eta komunikazioa horren arabera egokitzea.
• Jasotako mezuak iragazteko gai izatea, mezu elektronikoak etiketatzearen edo artxibatzearen bidez; mikroblogetan nori jarraitu erabakitzea, etab.

Jarrerak

• Baliabide digitalen bitartez komunikatzeko eta adierazteko segurtasuna eta erosotasuna sentitzea.
• Ingurunearen araberako jokabide-kodea jarraitzeko prestasuna adieraztea.
• Ezezagunekin online komunikazioaren bidezko harremanak izateak dakartzan arriskuen jakitun izatea.
• Online komunikazioan aktiboki parte hartzea.
• Komunikabide egokiena hautatzeko gai izatea, hautatutako helburuaren arabera.

Aplikazio-jarduerak

• Online komunikazio-tresna desberdinak erabiltzea eta kudeatzea, hezkuntza-komunitateko kideekin harremanetan jartzeko eta ikasleei egitekoak jartzeko, baliabide desberdinak banaka erakutsiz.
• Hezkuntza helburuekin parte hartzea foroetan, txatetan, sare sozialetan eta lankidetza-webguneetan.